LIST DO M.

Bieruń, 01.12.1994 r.

Drogi Mikusiu! 
Wim, że ze mnie był bez łostatni rok niezły chachor, ale jo zawsze się starom. Do łojców byłek jak aniołek, ino roz mi się zdarzyło omie łomaścić hawerfloki. Ale to było ino roz. No może jeszcze jak tymu gizdo

wi za Przemszy pedziołek, że łon to taki richtig gorol i kierejś nocy jakijś bebok po niego przyjdzie. Ale zazwyczaj to jezek bardzo grzeczny.
Nibawym 6 grudnia i kożdy bajtel chciołbyk dostać kupa bombonów. Wim, że ni powinienek tyla maszkiecić, bo jak godo moja oma, że na starość byda szczyrbaty jak uja Franek z Katowic, ale to jest ino roz do roku.
Chciołbyk tyż dostać takie rychtig, fest porządne koło – takie, jakie mo Alojzek spod 6. Wtedy moglibyśmy rozem zjeżdzać po hołdach w lecie. A na zima chciołbym takie sanki z kierownica i hamulcym, byk ni wjechoł komuś w rzić. I mo być kupa śniegu, bo zeszłoroczne pół metra było za mało, by robić nad przikopą tajne bazy.
To by było na tyla, ale jak sobie cosik przypomna to byda jeszcze pisoł.

Franek

Pamiętom jak dziś, jak pisołek tyn list do Mikusia. Wtedy pamiętom, że już łod początku listopada było śniega po kolana i lotało się i nacierało śniegom dziołki, jak lozło się z budy. Dziś już ni ma takich zim. Ale momy 6 grudnia – goik narychotowany, geszynki pokupione, a w izbie pełno kartonów z manelami po przeprowadzce. Dobrze, że chocioż jakieś maszkiety są. Dzisiej moga sobie na to pozwolić, bo Mikuś, a jutro bydzie możliwość spalenia tego w Bytomiu w Biegu Świętego Mikołaja. Libsty jeszcze ni ma, to ida do byfyja i pomieszkieca do tyja.

ŚLĄSKIE SŁÓWKA ZAWARTE W LIŚCIE DO M.

Mikuś – Mikołaj
chachor, gizd – łobuz
łojcowie – rodzice
oma – babcia
łomaścić – okrasić, okraszać, dodać tłuszczu
hawerfloki – płatki owsiane
pedzieć – powiedzieć
bajtel – dziecko
kupa – dużo
bombony – cukierki
maszkecić – jeść coś dobrego
szczyrbaty – ktoś szczerbaty, bez zębów, z brakującymi zębami
uja – wujek
przikopa – rów
buda – szkoła
goik – choinka
geszynk – prezent
gibko – szybko
manele – rzeczy