Rozpoczynając swą przygodę z nauką śląskiej godki, warto zacząć od poznania alfabetu po śląsku, a raczej jego humorystycznej wierszowanej wersji, którą napisał Marek Szołtysek.
ABECADŁO ŚLONSKIE NA POCZONTEK
Abecadło roz z bifyja,
Sleciało na łeb, na szyja,
Bestoż sie fest potrzaskało
I sie cołkie pofyrtało.
A – ledwo stoi i sapie,
Ą – mo bolok na prawyj szłapie
B – sie coś z basami stało,
C – blank sie wnerwiyło,
Bo Ć – kryski zazdrościyło,
Że sie aż D – fest zdziwiyło.
E i Ę – dolne łone wyleciały
I choby F – wyglondały.
G – już niy chce być tak gupie,
A H – ważne jak magi w zupie.
I – sie fest powykrziwiało
I sie blank na J – podało.
K – mo prawo szłapa krziwo,
L – sie do Ł – niy łodzywo,
M – je choby klopsztanga złomano,
N i Ń – robiom na grubie na noc,
O – sie kołoczym nafutrowało,
A Ó – coś na łeb sleciało,
P – na jedna szłopa kuśtyko,
I bestoż R – chodzi z krykom,
S i Ś – z ryjmatykom dwa boroki,
Wygły sie choby hoki,
T – hut mo za fest srogi,
U – je jak pusty garniec ubogich,
W – jak colsztok sie zgiyło,
A z Y – by sie chyntnie szlojder zrobiyło
Zaś Z, Ż, Ź – som złe skuli tego,
Że niy mogom stoć za piyrszego.
